Шивэгчин
Эмэгтэйчүүд найрсаг, эелдэг байх хэрэгтэй гэсэн бодол хүмүүсийн толгойд байдаг боловч, үргэлж тийм байх боломжгүй. Олон хүн амархан болзоонд явж, тав тухыг мэдэрдэг.
Аз жаргалтай, сайхан харилцааг эхлүүлэхийн тулд хажуудаа хамт байх хүнээ бяцхан сорилтонд оруулахыг хүсдэг эмэгтэйчүүд бий. Тэгэхээр бид өөрийн болгоход хамгийн хэцүү, эрчүүдээс маш их хичээл зүтгэл шаарддаг зурхайн 3-н орд.
Хумх
Хумхын ордын эмэгтэйн сорьдог цорын ганц зүйл бол өөрийг нь гайхшруулж чадаж байна уу, үгүй юу л гэдэг юм. Гэвч эрэгтэй хүн бэлэг сэлт өгөхөөс илүү бүтээлч байдлыг эрхэмлэдэг. Түүнийг гайхшруулахын тулд ухаантай гэдгээ харуулах эсвэл сонирхолтой дэлгүүрээр дагуулж явах, хошин шогийн мэдрэмжтэйгээ мэдрүүлэх, ямар нэгэн асуудал тулгарахад богино хугацаанд зөв шийдвэр гаргах чадвартайгаа батлах хэрэгтэй. Та биеэ даасан, шаргуу хөдөлмөрч нэгэн байж л Хумхын ордын эмэгтэйг өөрийн болгоно.
Загас
Энэ эмэгтэй бол мөрөөдөгч. Тэр маш эртнээс өөрийнхөө үерхэл, хайр сэтгэлийн харилцааг ямар байхыг төсөөлж, шийдвэрээ гаргачихсан байдаг. Үүнд бас хажууд нь байх эрэгтэйн юу хийх, яах ёстой зүйлсийн жагсаалт ч багтана. Загасны ордын эмэгтэй мөрөөдөмтгий, бодит байдлаас өөр ертөнцөд амьдардаг учраас хажуу дахь хүндээ багагүй асуудлуудыг үүрүүлж, хэрхэн даван туулахыг нь харж байж, сонголтоо хийхийг хүсдэг.
Арслан
Хэрэв та түүнийг магтахгүй, өхөөрдөхгүй, хайрлахгүй юм бол Арслангийн ордын эмэгтэйн зүрх сэтгэлийг эзэмдэнэ гэдэг боломжгүй зүйл. Тэр ихэвчлэн чихээрээ дурладаг учир, түүнд гоё сайхан үгсийг харамгүй хэлж, хийсэн үйлдэл, хэлсэн үгийг нь сонсож, хүндэлж, үнэлж байх хэрэгтэй. Арслангийн ордын эмэгтэй хажуудаа байх хүнээ өөрт нь хэрэгтэй гэж хүлээн зөвшөөрсөн үедээ л өөрийнхөө зүрх сэтгэлийг нээдэг. Гэхдээ хажууд нь байх хүн өөртөө итгэлтэй, биеэ даасан байх ёстой.
Таны харж байгаачлан хоорондоо нилээн ойролцоо зан чанартай зурхайн 3 орд байдаг байна. Гэсэн хэдий ч тэдний хажуу дахь хүндээ тавих шалгуур нь харилцан өөр өөр байдаг. Эмэгтэйчүүд энэ хүн надад хань болж чадах юм байна гэж бодсон хүнээ сонгодог. Тиймээс та хүчээр түүнийг өөрийн болгох гэж оролдох нь бүтэхгүй зүйл юм. Харин түүнд өөрийгөө хэрэгтэй хүн гэдгээ батлах хэрэгтэй.
