pinko
Адал явдал ба сэтгэл хөдлөл
Сэтгэл дотор нь шуурга өрнөж байсан ч гайхалтай контролдож чаддаг орд бол хилэнц юм. Энэ ордын сэтгэл зүй дотор асар хурдтайгаар нэгэн зэрэг баяр баясал, хөөрөл, гуниг, үл тоомсорлол, тайван амгалан, уур хилэн төрж энэ бүхнийгээ маш нарийнаар мэдэрч байдаг. Тэдэнд гол хүч өгдөг мэдрэмж бол хайр дурлал. Тэд өөрийн хүслээр л тоглоно. Өөрийн дураар дүрмийг зохионо. Сэтгэл дотор нь маш олон төрлийн зүйл өрнөж байгаа ч үүнийгээ маш овжингоор нууцлаг байдал болгож хувиргаж чаддаг.
Зорилгодоо хүрэхийн тулд юу ч хийж чадна
Тэд төрөлхийн удирдах авьяастай хүмүүс байдаг. Гэвч удирдах авьяасаас гадна маш нарийн мэдрэмжтэй тул өөрийн хийж байгаа зүйлдээ уусч, өөрийгөө бүрэн зориулж чадна. Тэд өнгө байсан бол маш тод өнгө байх байсан. Магадгүй хамгийн тод өнгүүд нийлээд хар өнгийг үүсгэдэг болохоор тэднийг хар өнгөөр илэрхийлдэг болов уу. Тэд асар их амбицтай бөгөөд бусад хүмүүс хүлээн зөвшөөртөл явсаар л байна. Зорилгынхоо төлөө юу ч хийхээс буцахгүй. Эрх мэдэлтэй, шийдэмгий, бие даасан хүмүүс. Амжилт тэдэнтэй найзалдаг.
Эрсдэлээр дүүрэн шийдвэрүүд
Тэдний ихэнх нь аз туршсан зүйл хийж, өөрийгөө сорих дуртай байдаг. Адал явдлыг хайна. Аюултай зүйлсийг давж гарсаны дараа маш гүнзгий таашаал мэдэрнэ. Дараагийн зүйлийг бодолгүй яг одоо мэдрэхийг хүсч байна гэсэн шуналтайгаар шйидэх нь элбэг. Мэдрэмжээр цангадаг хүмүүс гэхэд болно. Хэрвээ хийж байгаа ажил нь уйтгартай, өөрт нь үнэ цэнэтэй санагдахгүй бол дуусгахгүй орхих нь амархан. Тэд дуртай зүйл дээрээ л өөрийгөө бүрэн гаргаж харуулж чадна.
Хамгийн дотны найз байж үнэтэй зөвлөгөө өгнө
Тэд бусад хүмүүсийг сайн ажигладаг. Сайн яриа ч өрнүүлнэ. Хамгийн сонирхолтой нь тэдэнд асуудлаа ярихад гайхалтай сонсогч болдог. Үүний эцэст үнэ цэнэтэй зөвлөгөө өгнө. Гүн гүнзгий харцтай энэ ордныхон бусдыг ховсдчихсон юмуу гэмээр өөртөө татдаг.
