pinko
Хонь – дүрэлзсэн
Тэдний эрч хүч ойр дотны хүмүүстээ мэдрэгдэхүйц их байдаг. Бусдыг татах, манлайлах хүчтэй. Өөртөө хүмүүсийг дурлуулж чаддаг гэхэд хилсдэхгүй болов уу. Мөн тэднийг шилдэг дурлалын хамтрагч гэж үзэж болно.
Үхэр – шилдгийг сонгодог
Бялуу урд нь байлаа гэж төсөөлөхөд хамгийн гоё хэсгийг нь сонгож иддэг хүмүүс үхрийнхэн байдаг. Тэд юм болгоны шилдгийг, чанартайг, баталгаатайг сонгоод сурчихсан болохоор тэдний амьдралыг муу сонголтоор төсөөлөх боломжгүй. Хоол, хайр, гэр, унаа гээд бүх зүйлээс л чанартайг нь авахыг хүсдэг.
Ихэр – сэргэлэн
Ихрүүд ухаанаа хэзээ яаж ашиглахаа хамгийн сайн мэддэг. Тэд өөрсдийгөө мэдээллийн гол цөмд байрлуулдаг ба хэзээ ч туйлшралгүй хэрэгтэй үедээ аливаа зүйлийн аргыг амархан олчихдог байна.
Мэлхий – сэтгэл хөдлөлтэй
Тэд хамгийн хүчтэй сэтгэл хөдлөлтэй орд. Гэхдээ мэдрэмж, сэтгэлийн хөдлөлөө гадагш нь гаргалгүй дотроо байлгаж чаддаг. Хэрвээ бид мэдрэмж болоод сэтгэл хөдлөлийг харж чаддаг нүдний шилтэй байсан бол мэлхийн ордны дотор тэсрэх бөмбөг дэлбэрч байгааг харах байсан.
Арслан – хайр дүүрэн
Өөрийгөө хайрладаггүй хүн бусдыг хайрлаж чаддаггүй. Энэ орд өөрийгөө ч бусдыг ч хайр дүүрэн байлгаж хамгаалж халамжилж чаддаг.Тэдний амьдралыг хайргүйгээр төсөөлөх боломжгүй юм.
Охин – үнэнч
Энэ ордны хүмүүс сонгосон хүндээ үүрд үнэнч байдаг байна. Тэд маш удаан хайсны эцэст өөрийн нөгөө хэсгийг олж түүнтэйгээ бүх насаараа хамт байдаг. Энэ ордны хүн таныг сонгосон л бол та санаа амар байж болно.
Жинлүүр – нийтэч
Тэд ганцаараа байх дургүй. Хаана ч явсан бусадтай ярилцаж,харилцаа үүсгэж явах дуртай. Тиймээс та түүнд бэлэг барих гэж байвал өөрийн цаг завыг гаргаад аяга кофены ард амаа чилтэл ярилцаарай. Тэр таныг уйдаахгүй сонирхолтой яриа өрнүүлэх болно.
Хилэнц – шазруун
Эртний үг байдаг. “Хилэнцийг гомдоосон хүн сайнаа үзэхгүй” гэж. Тэд нэг бол таныг гал халуун хайраар хайрлана. Эсвэл өшөөгөө авч хүйтэн мөсөн дунд үлдээгээд таглаж орхино.
Нум – сахилгагүй
Нумынхан хамгийн сахилгагүй байдаг. Тэдний хэнэггүй хэлсэн үг хэн нэгнийг санамсаргүй шоглож, хайхралгүй хийсэн болгоомжгүй үйлдэл нь байнга адал явдал руу уруу татаж орооцолдуулдаг.
Матар – тооцоотой
Бусад ордуудыг бодвол тэд өөрийг зорилгодоо хүрэхийн тулд өөрийн тархи ба төлөвлөлтийг хамгийн нарийнаар ашигладаг. Үеийн үед сайн тооцоологч, сайн тэмцэгчид байжээ.
Хумх – санаатай
Тэд аливаа зүйлийг улам сайжруулж, хэрэглэхэд хялбар болгож чаддаг. Тэднийг ирээдүйг бүтээх солиотой санаагаар дүүрэн хүмүүс гэж ярьдаг.
Загас – урлаглаг
Тэд бусад зүйлс болон хүмүүсийг ойлгох нарийн мэдрэмжтэй. Энэ байдал нь урлагтай нягт холбогдог бөгөөд энэ ордноос алдартай уран зураач, хөгжмийн зохиолч, яруу найрагчид ихээр төрсөн байдаг.
