pinko
Хясаан дотор нуугдсан сувд шиг
Алдарт зураач Ван Гог, Lady Gaga, Леонардо да Винчи гэх мэт хайрцагт баригдаагүй, сонирхолтой хүмүүсээр дүүрэн энэ ордныхон ордны нэр шигээ тийм ч тайван дөлгөөн хүмүүс байдаггүй. Тэдний орд гал махбодид хамаарагддаг учир амьдрал нь идэвхтэй, амбицтай, түргэн хурц шийдлээр дүүрэн байдаг. Шийдэмгий, бусдыг байлдан дагуулагч зан хамт олон дунд халуун дулаан уур амьсгал бүрдүүлнэ. Энэ ордонд төрсөн хүмүүсийг судалж үзвэл өндөр албан тушаалтан, улс төрчдөөр дүүрэн. Гэхдээ энэ их эрэлхэг шийдэмгий зангийн ард маш зөөлөн, итгэмтгий, хүүхэд шиг зан нуугдсан байдгийг зөвхөн дотны хүмүүс нь л анзаарч чадна.
Зорилгодоо хүрэхийн тулд галзуу барын аманд гараа хийнэ
Тэд хувь тавилангаа хүлээгээд, урсгал ус ширтээд суудаг хүмүүс биш юм. Үргэлж ямар нэгэн зүйлийн араас зорьж байдаг амбиц дүүрэн хүмүүс. Тэдэнд зорилгодоо хүрэх аргаас илүү үр дүн илүү чухалд тооцогдоно. Энэ чанарынхаа ачаар олон ажил амжуулж, зохион байгуулах авьяасаа ашиглаж чаддаг бөгөөд бүх зүйлийг хурдан амжуулахаар яарна. Тэдний хийсэн гүйцэтгэл өндөр түвшнийх байна, тэд бусдад ч бас тийм шаардлага тавих болно.
Адал явдалтай замыг сонгоно.
Тэд өрсөлдөөнтэй орчинд дуртай. Зөвхөн ажил ч биш хайр дурлалын асуудал дээр ч тэр адал явдалтай зам руу илүү татагддаг. Үргэлж шинэ сонин мэдрэмжээр дутагдаж байдаг тул парагматик үзэлтэй нэгэн хэвийн хүмүүс тэдэнд уйтгартай санагдана. Нууцлагдмал, бэрхшээл, адал явдал дүүрэн замыг сонгох болно.
Сэтгэл хөдлөлөөрөө акробат эргэнэ
Бие даасан байдал бол тэдний өөртөө итгэх итгэлийн суурь юм. Тэд төрөлхийн өөдрөг хүмүүс бөгөөд тэдэнд сэтгэл хөдөлгөсөн дурсамж материаллаг зүйлээс илүү чухал. Тиймээс заримдаа зүгээр л сэтгэлийг нь хөдөлгөх шидтэй ямар ч хэрэггүй зүйлийг авах нь бий. Хэрвээ энэ ордыг өнгөөр илэрхийлэгдэж болдог бол тод улаан өнгөөр илэрхийлэгдэх байсан биз ээ.
